Mathikwo/macinirwo ugeni-ini kana murihe thogora wa kurehe miri yao guku-Bamiri iria endwa ao makuirire nja wa bururi kuumana na COVID-19 kwirwo

Akenya matanyihiire 18 ni makuite thutha wa gutorio ni murimu wa COVID-19 mari mabururi-ini ma na nja.

Uhoro uyu waanirirwo ni mwandiki mukaru ministry-ini ya maundu ma nja ya bururi baruthi Macharia Kamau, akiuga kuri na Akenya 85 aria marwarite ndwari iyo mari nja ya bururi.

Akiaria tabarira-ini ya Hagaria ya iNooro FM na njira ya thimu, Macharia ningi augite andu angi 60 ni mahonete ndwari iyo, guku ikuu nyingi ikiandikithio bururi-ini wa America.

Ihinda-ini o riu barothi Macharia augite Akenya aria makuite mabururi-ini ma ugeni-ini meguthikwo ugeni-ini kana miiri yao icinwo.

Indi ona kuri o uguo ni ataaririe ati bamiri iria ikenda kurehe miiri ya endwa ao nicio ikurugamirira ngarama, ona gutuika ni ikuoya ihinda kumana na moritu ma ugendi maria marehetwo ni ndwari ya Corona.

Oho augite Akenya 300 aria mathiite India gwetha motungata ma urigitani makahundurwo guku bururi-ini tariki inya mweri wa gatano na ndege ya Kenya Airways.

Nao andu angi 200 aria mari China na maaniriire itanya ria gucoka Kenya makahundurwo tariki inyanya o mweri wa gatano, no nio makerugamirira marihi ma ndege.

Leave a Reply

Your email address will not be published. Required fields are marked *