Matiang’i gwathana onjoria aria mari guku bururi-ini mugaru na watho macokio kwao

Ahuri biacara kuuma mabururi ma nanja aria mari guku bururi-ini mugaru na watho nimegucokio mabururi-ini mao. Minister wa ugitiri wa thiini Fred Matiang’i niwe uheanite mwerekera uyu akiuga thirikari ndiheanaga marua ma wonjoria kuri raiya a mabururi mangi. Watho uyu wa Matiang’i ukite oriri gukoretwo na makaya megii wongerereku wa onjoria kuuma bururi wa China aria mari nginya thoko-ini ya Gikomba.

Onjoria  guku bururi-ini makoretwo magikaya kuumana na kuingirirwo kwa  biacara ciao  ni raiya a kuuma mabururi na nanja ikaya ria ica ikuhi ari kuuma thoko-ini ya Gikomba .

 Kurumirira uhoro uyu thirikari kugerera minister wa  ugitiri wa thiini niyaniriire gucokio kwa onjoria aya mabururi-ini mao kuona mari guku mugaru na watho.

Matiang’i niarutite mwerekera kuri maabithaa a ugitiri matuura-ini kuruturura onjoria aya a mabururi ma nanja kuuma icigo-ini ciao na gutigirira  nimeherio guku bururi-ini.

Minister uyu araragia ari Nakuru mihang’o-ini ya kuruguria wabici cia motungata ma passport niguo kunyihia muhatikano nyumba-ini ya Nyayo guku Nairobi na kuhotithia akenya gukorwo moete passport cia kiriu gugikinya tariki 31 mweri-ini wa kanana.

Hamwe na Nakuru thirikari niikuhingura wabici ici ya Kisii, Embu Eldoret ohamwe na ceceni ingi 6 mabururi-ini ma nanja miciini ya Berlin, Washington DC, London, South Africa na Paris

Leave a Reply

Your email address will not be published. Required fields are marked *