Mawoni ngurani megii mutaratara wa watho wa kigina wa mwaka wa 2018/2019

Aikari a Kiambu nimarutite mawoni ngurani megii mendekithia ma  mutaratara wa watho wa kigina wa mwaka wa 2018/2019.

Aria mararegana na mutaratara ucio maugite igoti niriongereirwo muno nyumba-ini cia biacara. Nao aria maretikirania naguo makauga nimarenda uthii wa na mbere thiini wa county ino.

Ni giikaro kia aikari a kiambu na obithaa a thirikari ya kaunti gia kwaririria mendekithia ma watho wa kigina.

Aingi ao matikenetio ni  mendekithia ma  watho ucio wa budget makiuga watho uyu ni ukumahinyiriria. No maugite aingi a aikari matingihota kuriha magoti maya.

Gicunji gia kana kia mendekithia maya kiigii magoti ma migunda na waaki wa manyumba  kuria igoti riongereirwo kuuma ngiri 26,000 nginya 50,000 icagi-ini na kuo matauni-ini kuuma 40,000 nginya 60,000.Amwe a aikari nimaretikirania na budget ino.

Mutongoria wa aria aingi thiini wa Mbunge ya county ya Kiambu, augite budget ino ni iguteithiriria kuongerera mbeca iria county yonaga kuona mwaka muhituku county ya Kiambu yathire hathara o hakuhi ya billion imwe.

Riu aikari mena mwihoko mateta mao nimekuiguo ni thirikaari ya county na ike mogaruruku maria magiriire.

Leave a Reply

Your email address will not be published. Required fields are marked *