Mbunge ya Nyandarua gutanywo gucokereria ciikaro ciayo umuthi

Thutha wa mbunge ya county ya Nyandarua gukorwo irugamiitie ciikaro ciayo kwa ihinda, kurumiriira ngucanio cia utongoria iria ikoretwo igumiire miahu iiri mbunge-ini iyo, riu ciikaro icio niitanyiitwo  gugacokereria umuthi.

Na itemi-ini ria gwetha kihonia kia  ngucanio icio atongoria mbunge-ini iyo nimarutiirwo thamanji ya guikinyia giikaro-ini kia mwanya wabici-ini cia kiama kia Jubilee guku mucii wa Nairobi, kuria ningi speaker wa mbunge iyo Ndegwa Wahome athirwo ekinyie mbere ya kamiti ya senate igii thirikari cia matuura gutariiria kihumo kia ngucanio icio.

Kurumiriira ngucanio icio  ukinyaniria wa tabariira cia uthii wanambere niukoretwo uhotomete  na njira nene, kuria riu muingi wa county iyo uriitie atogoria ao  macooka mekiriire kumatungatira  ithenya-ini ria gutuura na ngucanio itari na njira.

Leave a Reply

Your email address will not be published. Required fields are marked *