Muiritu wa wira gwikirira ciana 4 thumu irio-ini, Migori

Borithi kaunti-ini ya Migori nimarathuthuria  njama ya gukua  gwa  kaana  kamwe  guku  ciana ingi 4 igithii nambere  na kwamukira urigitani   thibitari-ini  ya St. Joseph  Ombo. Kuratuika ciana icio kwahoteka irekiriirwo ndawa irio-ini ciao ni muiritu wa wira.

Borithi ,kaunti ya Migori nimarahitana na  Belinda Otieno uria urari  muiritu wa wira  nyumba Oluoch  agikuirwo niwe urekiriire ciana  icio thumu irio-ini ciao cia hwaini. Mwana wa muruti  ungi wa wira thiini wa mucii ucio niarakuire njama-ini  iyo.  Ciana 2 cia mumandiki na  muruti umwe wa wira makomete thibitari,mwena ucio wa migori.

Bertha Oluoch,  ni mwarimu  wa  cukuru ya muthingi ya Migori na niwe mwandiki wa  Belinda,  araugire ati ciana  itirari na  thina  riria arakinyire mucii no indi  thutha-ini marambiriria  kurio ni nda na gutahika. Muthuri wa mucii augite  belinda  ararugire, aracoka  aroha  mirigo yake naihenya na kumagara undu uria uratuma mamwikuire .

Linda endekwa, uria o nake urutaga   wira  kwa Oluoch augite  marariire  irio icio  othe hamwe na  mwana wake uria urakuire. Linda ongereire kuuga  ati  belinda akoretwo agiteta niundu wa mucaara munini   akiuga mumandiki niaramahinyiriria. Kuringana na  ndagitari wa thibitari iria mamarigitirwo,  Collins Mwanga, othe matiri hatika-ini na  riboti ya muthia ya  uthuthuria wa urigitani  niikurekererio  thutha-ini.

Leave a Reply

Your email address will not be published. Required fields are marked *