Mukana kurutwo kuri arutwo aria matari mariha HELB

Angikorwo thirikari niyagutamburukiirie uteithio wa ngombo cia mathomo HELB, na nduigana kuriha, hihi ni kuremwo kana kurega, thiku mirongo itatu kuuma umuthi thirikari yugite ni igucabithia maritwa na mbica cia andu ta acio ngathiti-ini maaga kwiyumiria na kwaraniria na ruhonge ruru.ngombo iria citari cia cokio, kuratuika nicikururitie mubango wa guteithia arutwo angi abataru

Ona mwaka nduthiriite kuuma Kariithi wa Wambui arikie mathomo make university-ini ya Moi, no ndumiriri kuuma kwa ruhonge rwa gukombera arutwo a university mbeca cia mathomo HELB, niicambitie kuingira thimu-ini yake akirandurwo thiiri wa mbeca iria aheirwo ni thirikari niguo ahote guthoma.

Wagi wa wira ona kana mwigitio wa kumahe kanyamu kangirengwo ngombo ici muico wa mweri, niruo ruo mbeu njithi aingi maragerera thutha wa kuhumbwo thumbi na guikio iria-ini riri thamaki nyingi cirahuranira mieke mikunderu ya wandikani.

Gatagati-ini ka makumbi maya thirikari yugiite uria wateithikire ni ngombo ici na niaremetwo kana akarega kuriha, ari na thiku mirongo itatu cia kwaraniria na HELB niguo eyarie uria akuriha, kwaga uguo thirikari icabithie mbica na maritwa ma andu ngiri mirongo inana na atano aria makoretwo matakuriha.

Thirikari ni ikoretwo igietha njira cia gukinyira mbeca ici, njira imwe ari kuhe mwandikani rutha rwa kurenga ngombo ici mucara-ini wa muruti wira.

Riria ngombo ici ciarihwo mbeca ici ciikagio kiondo-ini kimwe na guteithiriria kurihira arutwo angi abataru mathomo, kuria riu mutaratara uyu wikururitie kurumirira aria mateithikire kwaga gucicokia, thiiri uria urerikan riu ukinyiirie muigana wa ciringi billioni mirongo itano.

Leave a Reply

Your email address will not be published. Required fields are marked *