Mundurume kugurario ni hiti akigeria guthara ng’ondu ciake, Murang’a

Mundurume umwe arahonia nguraro thibitariini nene wa Murang’a thutha wake gutharikirwo na kugurario ni hiti mutituini umwe mwena wa ichichi gicigo kia umbunge gia kangema hwaini wa ira riria arageragia kugitira ng’ondu ciake citigatharikirwo.

Hiram Gicheru kuuma itura ria Ndûini gicigo kia umbunge gia Kangema aracemanirie na mutino uyu ira hwaini riria arateithuraga ngondu ciake igitharikirwo ni hiti mutituini wa aberdares. Hau niho hiti ino iramugarurukire na kwambiriria kumutambuura ikimutiga na nguraro njuru mwiriini.

Kuringana na abithaa uria urugamiriire Mihango ya urigitani thibitariini ya Muranga, augite murwaru uyu ndari hatikaini onagutuika niaraguraririo uuru.

Abithaa wa ruhonge rwa kuramata nyamu cia githaka niaikitie ritana kuri andu aria maikaraga hakuhi na mititu kwihuga na gwithemaga kuingiria mahiu mao mitituini.

Leave a Reply

Your email address will not be published. Required fields are marked *