Murutwo wikuraniire muthako-ini wa Table Tennis, Embu

Arutwo atandatu nio makarugamirira gicigirira kia gitaru kia irathiro ria bururi mathako-ini ma gibururi ma Tennis ya metha-ini, maya mari mathako ma cukuru cia secondary. Hari acio atandatu murutwo umwe kuuma cukuru wa St. Paul Kevote, Embu no arathie na mbere kwihariria gukarugamirira cukuru wao mathako-ini maya.

Peterson Mbugua ni murutwo wa kirathi gia form three cukuru-ini wa St. Paul Kevote, mwanake uyu wa miaka 15 nowe murutwo uria urarugamiriira kaunti ya Embu mathako-ini ma gibururi ma tennis ya metha-ini maria makahariririo kaunti-ini ya Kisumu  kuuma tariki 29 mweri uyu. Mbugua arikirie ari wa kana mathako-ini ma gitaru kia irathiiro mweri muhituku na akoretwo akiinora wathi wake gutigirira tariki 29 igikinya niagakorwo enoorete kuigana, kuona nowe murutwo wa mumwe kuuma cukuru wa kevote.

Arutwo na arimu a St. Paul makoretwo magiteithereria Mbugua kimeciria na kimuthako , kochi wa njamba ino Kenneth Gitari akiuga wirutiri wa Mbugua niguo ukumutindika ngerwa-ini iyo ingi. O na kuri oguo thirikari niihinyiriirio iteithererie ukuria-ini wa taranda na iheo cia ciana hatari gucagurania, mwarimu Thomas Mbogo akiuga thirikari ibatii kugathika mitaratatara iria ingiguna arutwo aria mena iheo na taranda iharo-ini itiganiite.

Muthako wa tennis ya metha-ini ukoragwo uiyukitio na njiira nene cukuru-ini cia secondary, no gukaga irabu ciinginyitirira iheo iria irathii o igitheremaga makiria riria ciarikia thukuru.

Leave a Reply

Your email address will not be published. Required fields are marked *