Mwana na ithe guthitangirwo kuraga muru wa nyina, Nanyuki

Ekuiruo eri aria marakuruhanio na gikuu kia mwonjoria umwe tauni-ini ya Nanyuki kaunti ya Laikipia  riu maguikara rumande gwa kahinda ga thiku ikumi na inya, metereeire uthuthuria makiria gutabanio..

Charles Macharia na mwari Jane Wanjiku mathitangituo na ihitia ria kugera ngero na kuuraga George Mwangi, gukiirikana ati indo imwe iria ciaiyitwo kwa Mwangi cionekire kwao.

Ekuirwo aya eri Charles Macharia na Jane Wanjiku marugamirio mbao-ini mbere ya mucirithania wa igoti ria nanyuki Njeri Thuku, magithitangirwo kuraga muhuri biashara George Mwangi Gachibi uria wakorirwo oragiirwo nyumba-ini yake mwena wa Nanyuki wakeri kiumia githiru, ni aruti wira ake aria mathire nyumba-ini yake kumung’etia thutha wake kwirikanana ndoyaga thimu yake.

Munene wa uthuthuria mwena wa Nanyuki Jacob Muriithi, aikia ihoya kuri igoti ekuirwo aya eri matigetike thitango iyo niguo makorwo makirikiriria uthuthuria wao.

Mwena wa thitango naguo wirire igoti ati mwiri wa muhuri biashara ucio niutanyitwo guthinjwo, na ati nimararumirira ekuirwo angi matari maraikio ngono.

Kuringana na munene wa maobitha a uthuthuria county ino ya Nanyuki Peter Muinde, ekuirwo aya eri manyitikanire na gari ya muhuri biacara uyu, na uthuthuria makiria ukionania ati indo cia thitima ciaiyitwo kuuma nyumba-ini yake ni imwe cia indo iria cianyitikanire nyumba-ini ya ekuirwo aya eri.

Borithi macokire kurumirira mutambo wa gari na guikia ngono ekuirwo acio itura-ini ria Kirwara Gatanga county ya Murang’a

Ekuirwo aya riu nimathirwo gucokio rumade nginyagia mweri 20 mweri uyu niguo borithi marikie uthuthuria, makingetherwo ni thitango ya njuragano na uici wa kiahinya.

Leave a Reply

Your email address will not be published. Required fields are marked *