Ndugamano ya KNUT na TSC yaaya guthararia githomo term ya gatatu

Kiama kia arutani  kia KNUT kiugite kiahota gwitia mugomo wa arutani  tamu-ini ya gatatu ya mathomo kurumirira  ndugamano  ya kiama kiu na  komiconi ya kwandika arutani bururi-ini, TSC. Ndugamano  iyo yumanite na  ukinyaniria wa nyongerera ya micaara, KNUT  ikiregana na  itumi cia TSC cia kwaga gutiiya watho wa igooti ria mawira.

Mweri-ini  wa mugwanja mwaka uyu,  nirio TSC irari ikinyanirie nyongerera ya micaara  ya arutani kuringana na ngirimiti iria yaiguaniirwo mwaka-ini wa 2017 no undu uyu ukihana ta wagagaya thutha wa itua ria igooti ria mawira  cira-ini uria wandikithitio ni KNUT gwatha TSC ikinyanirie nyongerera ici rungu rwa thikimu cia urutani.

TSC igitua itua ria gukinyaniria nyongerera ici kuri arutani aria matari rungu rwa ngwataniro ya KNUT na kuriha amemba a KNUT micara ya tene makiuga matingihota kurumirira thikimu ici kuona niciateyaniirio  undu uria KNUT inyururitie ikiuga no kigwatio gia tsc kwaga gutiiya watho wa igooti.

KNUT irauga gutiri handu itua riri ria igooti rirahinga ukinyaniria wa ngirimiti ta uria TSC yuugite makiihita kwaga kwenyenyio ni TSC kumaima micara ta uria mabatii. Mutaratara-ini mweru wa kwambatiria arutani ikiro TSC ikoretwo ikihinyiriria niwakuguna arutani oothe kuona mundu ariambatigirio gikiro kuringana na wira wake no KNUT ikoretwo ikuuga  niwakumahinyiriria amu ona arutani matiagiritanirio ugithondekwo.

Guku KNUT ikiuga niiihariirie kuunanira njung’wa na TSC gwetha uiguano wa ndugamano ici thogothogo ici ciaya kuhutia mihang’o ya uhinguri wa macukuru tamu-ini twerekeire,knut ikuga gutiri hindi andu mangiruta wira gutari micara. Arutani ngiri 103,624 aria ni amemba a KNUT nio mahutitio thogothogo-ini  ici cia nyongerera cia micara na KNUT yuugite ndikwenyenya onginya TSC itiye itua ria igooti.

Leave a Reply

Your email address will not be published. Required fields are marked *