No mutangatange mutari na arangiri!…Ateti amwe a mwahu wa tangatanga kuehererio arangiri ao

Mwaria wa mbutu ya borithi Charles Owino augite arangiri a ngabana wa Kiambu hamwe na arangiri a ambunge angi atatu ti kweherio meheretio wira indi nigucenjanio ta uria mutaratara wa urangiri wendekithitie. Kuuma muthenya wa ira atongoria aya matikoretwo na arangiri, makiuga gutiri gitumi mahetwo gia gutunyukithio arangiri ao, no marahurwo ni mirugamo yao ya uteti.

Ngabana wa Kiambu Ferdinand Waititu, Mumbunge wa Kikuyu Kimani Ichung’wa, mumbunge wa Bahati Kimani Ngunjiri, Seneta wa Nakuru Susan Kihika na riu Mumbunge wa Malindi Aisha Jumwa ni amwe a atongoria aria meyumiritie kuuga ati ni mehereirio arangiri ao.

Kugerera njira ya thimu Kimani Ichung’wa uria ihinda-ini ria kwehererio arangiri ake arari nja wa bururi, augite atunyukithitio arangiri atatu. Ichung’wa ari na murangiri umwe, no thutha wa kurutirwo mikana ya kuragwo ni andu matoikaine  akiongererwo arangiri eri.

Aisha Jumwa uria nake uma thabari-ini erekeire kunyitanira na Munini wa President mwena wa Njoro Naikuru augite ehereirio murangiri umwe.

Ngabana wa Kiambu Ferdinand Waitu akehererio atano nake Seneta wa Naikuru Susan Kihika akehererio umwe.

Mumbunge wa Bahati Kimani Ngunjiri onake noamukirite igutha ria kwehererio murangiri wake umwe.

Kuona ati atongoria aya othe mari thiini wa mwahu wa Tangatanga kiama-ini kia Jubilee, amwe ao maugite ikinya riri ni ria kumaguoyohia nigukorwo mari arata a hakuhi a munini wa President William Ruto, na aria makoretwo makioneka makimuhurira ndebe cia gutongoria bururi mwaka wa 2022.

1 Comment

Leave a Reply

Your email address will not be published. Required fields are marked *