Nonginya tunengerwo kiria kiri gitu ta magoti :Maraga kuuga

Hatari nganja, mihangó hakuhi yothe ya ruhonge rwa ucirithania niyonjete na magoti mamwe makambiriria kuhingwo ni undu wa waagi wa mbeca.

Mutongoria wa ruhonge rwa ucirithania David Maraga augite ati magoti mothe ma gucokia ciira riko matigucoka kuruta wira tondu gucehurirwo mbeca kwa ruhonge rwa ucirithania rukuhutia acirithania aria matungataga icigo itiganite ihinda kwa ihinda.

Ruhonge rwa magoti bururi-ini rwahoete  ksh 31b mbajeti-ini ya mwaka uyu, indi mbunge yaruheire ksh 14b, ruracoka ruracehurirwo birioni igiri ni ruhonge rwa kigina na riu mucirithania munene David Maraga aroiga maraherithio kuumana na kwaga gutua macira uria mbunge kana thirikari irenda.

Riu utungata wa magoti maturaini niukurema, na  akenya marithiaga thabari ndaya gwetha utungata wa magoti. Magoti ma gucokia ciira riko nimo mekuhutio muno, tondu acirithania makoragwo magithiururuka gurugamirira mairamatiganite, na gutari na mbeca cia kurugamirira thogora wa guthiururuka kwao, maraga aroiga nomahingirwo.

O mwaka Kenya kwandikithagio maciira makiria ma ngiri magana mana magoti-ini, na magoti mahotaga gutuithania o maciira ngiri magana matatu, na riu unyihu uyu wa mbeca ni ugwati ona makiria . Riu maraga aroria akenya mahuranire kihoto kia ruhonge rwa magoti

Mbunge ikoretwo ikiuga gutiri kigina gitinitio, na riu honge ici igiri igitukurana, mundu uri na ciira igoti-ini na mukenya niwe ukwaga utungata

Leave a Reply

Your email address will not be published. Required fields are marked *