Peter Mbugua, muthuri wikuraniire riri thii yothe irakunguyagira aciari athuri

Riri thi yothe irakunguyagira aciari athuri, gicunji gia 3.7% guku bururi-ini kiao matigitwo makirera ciana mari oika. Makiria ya miaka 7, Peter Mbugua akoretwo na kibarua gia kurera mwana wake wa kairitu thutha wa mutumia wake gukua undu uria arauga wari igutha rinene hari wee na mwana wake.

Ni ururu uria turatungirwo niguo itura ria Karanjee, Limuru riria ririgicirio ni irima, uthaka wa miti na heho.  Atumia makiumagara aingi marorete kanitha athuri nao maracemaniitie magikunguira muthenya wao.

Aciari aya athuri maraugire ciana na atumia nio mamaheaga hinya wa o muthenya wa guukira kumatha. Gukiri uguo, nimarakumithirie athuri aria magiaga ciana na gucitiganiria irerwo ni aciari atumia. Athuri aya maraugire kunyitirira micii nikuo kuheyaga muthuri thayu wa meciria.

Ciugo ici cia athuri kunyitirira micii ciratutwarite kwa Peter Mbugua uria mutumia wake wakuire miaka mugwanja mithiru. Mbugua niatuire itua ria kurera mwari nginya agimare. Mbugua ni mwarimu na araugire moritu maria acemanagia namo ureri-ini wa mwana wake e wika ni ta kuinuka utuku.

Undu uria umuteithitie ureri-ini wa mwari ni uria riu wi kirathi gia kana, ni kumutua murata wa hakuhi. Mbugua araugire ni gikeno kinene kurera mwana wa muiritu onakorwo noo kuri moritu maguo. Mbugua agikunguira muthenya uyu araugire undu wa bata ni kumenya muthuri niwe gitugi kia mucii.

Leave a Reply

Your email address will not be published. Required fields are marked *