Ruo rwa hathara ya mwaki, Meru

Bamiri mirongo iri kuuma tauni ya Maua kaunti-ini ya Meru itigitwo itari na uikaro thutha wa mwaki gututhuka mathaa-ini ma thaa igiri cia utuku na gucina nyumba cia bamiri ici. Kihumo kia mwaki ucio gitiri kiramenyekana no kurerikana mwaki uratuthukire nyumba-ini imwe thutha uria uratambire na kugwatia nyumba ingi iria ciakitwo na mbau.

Kihumo kia mwaki uyu gitiri kiramenyekana  guuku aikari makiuga mwaki ucio niugiririirio ndukarehe hathara nene no kuona gutirari na maai ma kuigana nikio uratambire na njira ya naihenya  undu uria aikari maugite uracungiriirio nigukorwo ngari ya kuhoria mwaki ndinekinyia guteithia aikari.

Aikari aya riu maroria thirikari ya kaunti ya Meru imateithiririe kuona matigitwo matari na giakuria kana handu ha gukoma na oho magitaraga hathara nene amu aingi ao matinona kanya gakuhonokia indo ciao.

Aikari aya maugite uyu ti mwaki wa mbere gututhuka tauni-ini iyo , na kaingi thina wa maai niguo ucungagiriria mwaki kurehe hathara nene undu uria riu umatigite makihoya thirikari ya kaunti iyo icarie kihonia na mituki na makorwo makiongerera ngari na ceceni cia kuhoria mwaki.

Leave a Reply

Your email address will not be published. Required fields are marked *