Ruthingo ruria ruraihu muno thiini wa thi

Ruthingo ruria ruraihu muno thiini wa thi na kaburi iria nene muno guku muhuro wa riua, iri mwena wa rugongo wa mucii wa Beijing, bururi-ini wa China. Ruthingo ruru rwitagwo The Great Wall of China na rwakirwo kwa ihinda ria miaka 2,000 riria makiria na raiya mirioni 1 a China makuire. Gwitikitio miiri yao yathikanirio rungu rwa mwako wa ruthingo ruru na mahiga-ini maria marigiciirie.

Ruthingo rwa Great Wall rwakirwo na muoroto wa kugitira raiya a China niguo meikarie na thayu na kumeherania na haranio cia mabururi mangi. Ona gutuika rutiarigiriirie ageni gukira muhaka na kuingira China, umuthi, Great Wall ni ruri rwa thayu, ucamba na kwihota kuri raiya aingi a China.

Ruthingo rwa Great Wall rutiri itari ini ria maundu maria metikitio gukorwo makigegia andu muno thiini wa thi, no nirwatamburirwo ni ngwataniro ya UNESCO mwaka ini wa 1987 niundu wa ngumo nene yaruo. 

Ruthingo rwa Great Wall ni rwa uraihu wa kiromita 50,000 na niguo kurikia kurukirania, no ukinyukirie ikinya gwa ikinya kwa ihinda ria miaka 2 utagutigithiria. 

Atongoria 300 a mabururi na thirikari ngurani ni amwe a andu me ngumo thiini wa thi aria manaceera China niguo kwirorera uthaka uyu wa ruthingo rwa Great Wall. Kwirikanaga o mwaka, andu mirioni 10 nio mekinyagia Beijing kuona ruthingo ruru ona gutuika haria monaga no ta gucama irio cia mucamo mwega na ndurie. Haria andu makinyaga na kuuga nimakinya gacumbiri ka Great Wall, mambataga na guikuruka na mathaa 2 kana 3.
Kuri makinyaga nyariri-ini cia ruthingo ruru o kwirorera uthaka uria urigiciirie ta irima, miti, barabara, reri na miako ingi mithaka. Kuuma kuraya na gukuhi, andu mokaga mari bamiri, arata kana ikundi. (Beautiful scenery, buildings, roads and train entering some underground from the right side and seen coming out from the left side of the hills) 

Gutuikaga mahiga na indo ingi cia miako iria ciakite ruthingo ruru ingicokaniririo ciothe, no ciake karuthingo kanini ka waarie wa mita 2 na uraihu wa mita 4 gathiirurukirie thi yothe!

Niundu wa ugitiri wa o mundu, ageni maririkanagio ati njamba ni aria mambataga  Great Wall  na makahota gucoka thi mari agima, amu guikuruka niho kibarua kiri.

Leave a Reply

Your email address will not be published. Required fields are marked *