Thayu gucokeriria thutha wa igeria ria kuhagura thirikari kugutha ihiga, Gabon

Thayu niwanjiriirie gucokereria bururiini wa Gabon, thutha wa gikundi kia mbiraru cia bururi ucio kiria gikwaniriire kugarura thirikari ya president Ali Bongo kung’ethanirwo nakio ni mbiraru iria iranyita Bongo mbaru.

Ruoro rugitema, gikundi kia mbiraru gigitongorio ni Lt Kelly Obiang, kihithukiire radio ya thirikari bururiini  wa Gabon, uria uri ithuiro ria gitaru kia Africa na mutongu muno na maguta, na kwanirira  kuhagura thirikari ya president Ali Bongo, na kuuria mbeu njithi moe ruciu rwao mokoini.

Gikundi kiu kia mbiraru aria maroneka mari a miaka ya mbeu njithi, makiuria mbiraru cia bururi ucio ciigwatire uramati wa iharo cia ndege, ukuui na thitoo cia matharaita.

Rori na ngari cia mbaara cia mbiraru, niikwonekaga ikiriunga mucii munene wa bururi ucio Lebreville, thima gutiuma na mumururuko wa andu barabara-ini cia tauni iyo.

No mathaa manini thutha ucio, mwaria wa thirikari Betrand Mapangou, anirira ati utongoria wa bururi ucio niucokirio mokoini ma thirikari ya Bongo, na maabithaa acio a mbiraru maikio ngono, umwe wao akirutwo rungu rwa uriri.

Gikundi kiu kia mbiraru gigutetagia wathani wa githuri bururiini ucio, uria wathitwo kwa ihinda ria miaka mirongo itano ni president atatu, eri   kuuma family imwe ya Bongo, riri president Ali Bongo uria wathurirwo mwakaini wa ngiri igiri na ikumi na ithathatu, eriga kugumirwo ni murimu wa gukua ciiga kana Stroke, kuuma mweriini wa ikumi mwaka muthiru, na ari   thibitari bururiini  wa Morocco.

Gabon ni bururi uikaine na utonga muingi wa maguta, na uri na andu mirioni imwe na ngiri magana manana, na uri na gicunji kia mirongo itatu na ithano kia mbeu njithi matari mawira.

Leave a Reply

Your email address will not be published. Required fields are marked *