Thirikari kuigua kiriro kia Akenya kigii karandi-ini

Akenya aingi makoretwo magiteta ni miikarire ya andu aria manyitwo makiuna watho wa curfew guku bururui-ini. Mbica-ini nyingi iria ikoretwo ikinyagio nenda-ini cia ukinyaniria, cionanitie mitangiko keheri-ini, na kiuria gia kana kuigwo keheri-ini ni ihera kana ni kugitirwo gikeyumiria.

Andu amwe gukoma thi matari ona gia kwihumbira, amwe kwaga gia kuria na andu kuigwo mari aingi mugaru na watho wa andu kwaga gukuhaniriria mbaara-ini ya COVID-19, ni mamwe ma maundu maria Akenya nenda-ini makumithitie na njira nene.

Umuthi, gitangiko giki keheri-ini kiaya gukinya muthia thutha wa CAS wa ugima wa mwiri Dr. Rashid Aman kwanirira ati kamiti ya gutangikira COVID-19 bururi-ini niyathite munene wa borithi gwetha kundu kuria andu manyitwo mathaa-ini ma curfew mariigagwo. Kundu kuu, kwagiriire guthingatithio watho wa andu kwaga gukuhaniriria niguo kwigiririria COVID-19.

Watho uyu wa curfew wendekithitie andu kwaga kuuma nja kwambiriria 7pm-5am tiga o aria maraheana mautungata ma bata.

Leave a Reply

Your email address will not be published. Required fields are marked *