Thogothogo cia thoko njeru, Karatina

Endia a thoko aria matanyitwo kuingira thoko ini njeru ya Karatina,  nimararegana na mendekithia ma thirikari ya county ya Nyeri,  ma kurihia nduka iria iri thoko ini iyo muigana wa shiringi 1000 na 7000 o mweri hari o duka.

Endia acio marauga nimekuregana na mekendekithia macio  tondu thoko yakitwo ni thirikari nene.

Thiku nini thutha wa President Uhuru Kenyatta kuhingura thoko ino,  riu ngucanio ya thirikari ya county na endia a nduka ici niituthukite,  makiuga ati marihi macio meiguru muno undu matangihota kuriha.

Endia aya makiaria nja ya thoko ino njeru,  marauga thirikari ya kaunti ndiri na kihoto kiiganu gia kumarihia shiringi ngiri 10,000 o nduka iria iri nja na 7000 he nduka iria iri thiini kuona thoko ino irakirwo ni thirikari nene.

No nayo thirikari ya county kugererera CEC wa wonjoria Diana Kendi,  ikauga ni watho wa kungania mbeca wa mwaka uyu irarumiririra  na niguo marihi macio maguithio,  no nginyagia watho ucio ucenjio..

Thirikari ya Nyeri irendekithia endia mathamire thoko  njeru kiumia giiki gitanathira, manjitie na aria akwarira nduka icirirwo thutha ini.

No amwe a endia acio makaregana na meciria macio makiuga o mangienda guthamira thoko na nduka  na mutaratara uria o marendekithia …

Mongereire ati mena guoya wa gukungirio wara,  aria mena mbeca kuma nja mone mieke iyo ya nduka icio.

Thutha wa gweterera miaka makiria ya 8 mathamire thoko ino, kiroto kiu ki ugwati ini wa gutirio angikorwo kihonia kia ndugamano ino nigikwaga na ihenya.

Leave a Reply

Your email address will not be published. Required fields are marked *