Thuguri ya ngari kwaga mucamo guku bururi-ini

Nguui niiratuthukire mucemanio-ini wa amemba a ngwataniro ya Kenya Auto Bazaar na maabithaa a ministry ya uthunduri na iganda, hindi ya mucemanio uria uretiitio niguo kuiguanira mogaruruku maria maragathikwo thuguri-ini ya ngari kuuma nja wa bururi. Amemba a  Kenya Auto Bazaar nio marathararirie mucemanio uyu, makiuga matioririo mawoni mao hindi ya kwandika mogaruruku maria makuhutia wonjoria wao na njira nene.

Nyumba-ini ya micemanio ya KICC, nikio kirari giikaro kiria kirarehete hamwe onjoria na anyiti itemi thuguri-ini ya ngari guku bururi-ini,niguo kwariria mogaruruku maria mendekithitio wonjoria-ini uyu, umwe wamo ari kunyihia miaka iria ngari iria irarehwo guku bururi-ini ciagiriire gukorwo ihuthikite.

No mucemanio uyu ndunathi haraya thutha wa ikundi kwiyuga maritwa, guku gikundi gia Kenya Auto Bazaar gigituthura ngui na kuuga nimarakungirio waara, thutha wao kumenya ati maretagwo gwikira kirore mogaruruku maya, no ti kuheana mawoni.

Mendekithia-ini maya thirikari irenda ngari ciothe cia ingini ya hinya wa 1500, cirehagwo bururi-ini cihuthikite kw a ihinda ria miaka itano. Ihinda-ini riri, githimi giki kirugamiire miaka inana. Gugikinyia mwaka wa 2021, miaka ino ikirikana guthii thi o nginya itatu.

Muoroto uyu ni hamwe na kimwe gia itugi inya cia ukuria nikio gukuria uthunduri na iganda, kuria thirikari irenda ngari ituragirwo guku bururi-ini niguo kuhe mbeu njithi mieke ya mawira.

Thutha wa njukaniriro kwa ihinda, mucenio uyu uratharara guku abithaa aya makiuga mathii kugia na giikaro na minister wa iganda Peter Munya.

Leave a Reply

Your email address will not be published. Required fields are marked *