Thukuru wa Ichang’i nduri wagia na murutwo ona umwe kuuma mwaka wa 2015 riria waakirwo, Kirinyaga

Thukuru wa secondary wa Ichang’i mwena wa Mwea, kaunti-ini ya Kirinyaga, wari utuike uteithio kuri arutwo na njira ya kumanyihiria thabari ndaya guthii kwimathira mathomo. No nginya riu thukuru ucio nduri wagia ona murutwo ona umwe kuuma mwaka wa 2015 riria waakirwo.

Mugunda-ini uyu wa ika ithatu, niho thukuru uyu wa thekondari wiikariire, na itanya ria kuwaaka wari wa kuhuthiria arutwo thabari ndaya cia gwetha githomo. No kioneki giki kiri o haraya, thutha wa thukuru ucio gutiganirio na kwaga arutwo, aria matanyitwo kwambiriria guthomera guku mwaka wa 2016.

Cioro igatuo uikaro wa mbumbui, nacio irathi igatigwo iri kiguciririo kia ehitukiri, mugunda uria uhanditwo mbembe naguo ugakomborithio murimi.

Aikari marauga kwaga kunyitwo mbaru kwa tabarira iyo, ni kimwe gia gitumi iria ciacungiriire kwaga gukinyanira kwa githomo guku, makienda uriukio, kana uthondekwo weru utuike thibitari, kuona aikari no magendaga thabari ndaya gwetha motungata ma kurigitwo.

Mumbunge wa Mwea Wachira Kabinga akiaria na iNooro TV, augite waki wa thukuru uyu uria wakirwo ni mumbunge wa tene Peter Gitau, ndwakuruhanirie mawoni ma muingi, no kihonia gia gutuura nigigwethwo.

Ona gutuika ituura-ini riu gutiri na micii miingi, hatiri thukuru ungi wi hakuhi.

Leave a Reply

Your email address will not be published. Required fields are marked *