Thutha wa thiku 13…

Ti thiku imwe kana igiri, no thutha wa thiku 13 rungu wa iria ria uhindi, ngari hamwe na miiri iri, Mariam Kighenda wa ukuru wa miaka 35 hamwe na mwana wake wa ukuru wa miaka 4 Amanda Mutheu, niirikitie kurutwo ndagika onini tu thutha wa thaa ikumi cia hwaini umuthi.

Ngari ino, KCB 289C muthemba wa Toyota Isis yaguire iria-ini riu gikiriro-ini kia ferry mwena wa Likoni, Mombasa ik touite eri acio.

Mariam hamwe na mwari maumaga mugunda-ini wao mwena wa Kwale riria matunganire na mutino ucio.

Mihang’o ya gwethana nao ikoretwo igitongorio ni mbiraru cia maai-ini unyitaniri-ini na athambiri kuuma bururi-ini wa South Africa, no igakorwo ikihingicwo ni maundu matiganite ta makumbi iria-ini, nduma ndumanu rungu wa iria gatagati ka mangi.

Ngari iyo yonekire muthenya wa gatatu gukihuthirio macini cia utaaramu wa iguru na wa maai-ini.

Mbiraru cia maai-ini niitanyitwo gutabania igongona ria mwanya mwena ucio niguo gutiriha mihang’o iyo kuria nakuo thutha ucio bamiri itanyitwo gutabania igongona ria mahoya.

Muingi niukwiyumiritie na njira nene muno gwikira mukonde mihang’o ino kuria mekuregagira ferry-ini hihi niguo monere hakuhi mihang’o iyo igithii nambere.

Leave a Reply

Your email address will not be published. Required fields are marked *