Title deed ya Acre 20 guthii ni thiiri wa 2,000

Muthuri umwe wa ukuru wa miaka 94 na mutumia wake marenda macokerio mugunda wao wa acre 20 uria marouga woirwo ni mundu wamakombeire ciringi ngiri igiri miaka 33 mihutuku. Muthuri uyu arouga akombire mbeca  ici mwaka wa 1986 na uria akombire agiitia taito  ya mugunda aikare nayo nginya riria mbeca icio ikarihwo.

Gicagi-ini kia Bosama gicigo kia umbunge kia Kitutu ya muhuro county-ini ya Kisii nikuo muthee ochoi na mutumia wake maikaraga. Makoretwo hamwe kwa ihinda ria miaka 40 na marouga maruru mao manjiriirie riria muthee ochoi arwarire na tondu matiari na mbeca cia guthii thibitari magikomba ciringi 2,000.

Aria mamakombeire makioya title ya mugunda na ngucanio yanjia hau ndiri yathira. Riu muthuri uyu na mutumia wake mougite kiria marenda ni mugunda wao ucoke niguo maaurwo kigiriko kiria makoretwo nakio. Ni kuhanditwo ciira igooti-ini ria Kisii no gukinya riu no gweterera metereire mone kana kihooto ni gikuoneka. Igeria ritu ria gwethana na aria kurerikana moire title ya mugunda thutha wa gukombanira mbeca ni riringire ihiga.

Leave a Reply

Your email address will not be published. Required fields are marked *