“Tukurie matuura ma county citu”

Ma-ngabana a gicigo kia Mt. Kenya nimeyumiritie kumenereria mutaratara uria uhuthagiruo ni Komiconi ya kugaya kigina kuri thirikari cia kaunti, makiuga icigo ciao niciteyaniirio na njira nene muno.

Matongoretio ni ngabana wa Meru Kiraitu Murungi na Francis Kimemia wa Nyandarua, mangabana aya maugite ihinda ni ikinyu ria kuruira ihoto cia aikari a Mt. Kenya, kuona ati tabarira cia uthii wa nambere uhotomaga ni kwaga mbeca cia kuigana kuambika mitaratara ya uthii wa nambere

Oriri aikari a icigo cia Mt. Kenya makoretuo magiikia makaya mao ati mitaratara ya uthii wa mambere ndikoretuo ikiambikuo matuura ini mao na njira iigwete, ma-ngavana a icigo ici riu nimeyumiritie guikia makaya mao kuri Komiconi iria igayaga kigina kuri thirikari cia kaunti, makiuga kaunti ciao itirumbuyagio na njira iria yagiriire..

Mangabana aya maugite nimekunyitanira niguo kurehe ukuria wa kaunti ici, kuona nicio cikoretwo cikirehe mugayo munene hari gikabu gia thirikari makiria mwenaini wa urimi.

Hindi ya kambeini cia githurano kinene mwaka muhetuku, icigo ici cia Mt. Kenya ciari na mwihoko munene ati thirikari nikuambika mitaratara miingi ya uthii wa nambere wona jubilee yauyukia utongoria Itina ria keeri, kuona ati gicunji kinene kia aikia a kura mathurire Jubilee.No kuringana na atongoria aya, mwihoko wao nduri urahinga…

Oho, maugite ni hari bata wa kugaya utonga wa kaunti ici na njira njagiriru, guku makiuga nimekunyitanira na icigo ciothe bururini kurehe uthii wa nambere.

Muthenya wa ira President Kenyatta niarokiriire atongoria a icigo cia mt kenya niundu wa kwaria ciigie uteti, akiuga wee ndagwitikira kuagagio ni miario iria itangirehe uthii nwa nambere icigo ini icio…

Ma-ngabana aya mwaka muhituku nimacemanirie na kwiranira unyitaniri hari kurehe tabarira cia uthii wa nambere, imwe ya tabarira iyo iri kuriukia reri, kuria maugire o kaunti niikuruta mwigana wa shiringi milioni igana rimwe, no gukinyagia na riu aikari a icigo icio nometereire kuona kana miario iyo yari ciiraniro iria itakinyanagira.

Leave a Reply

Your email address will not be published. Required fields are marked *