Uheani wa njanjo ya kurigiriria cancer kuri ciana cia tuiritu twa miaka ikumi kwambiriria

Uheani wa njanjo ya kurigiriria murimu wa cancer ya nyungu ya uciari kuri ciana cia airitu cia miaka ikumi, ni uracokereria umuthi mathukuru-ini.Mubango ucio waruguririo muthenya wa gatano kiumia githiru ni mutongoria wa bururi Uhuru Kenyatta mwena wa Mombasa.

Kuringana na ruhonge rwa ugima wa mwiri wa muingi, atumia kenda ni makuaga o muthenya kumana na muthemba ucio wa cancer, na gukinyia atumia 36,000 aria maakuire mwaka muthiru.

Indi ona kuri o uguo aciari amwe ni marekirira nganja ukinyaniru wa njanjo iyo ona thutha wa makanitha kumihetukia makiuga ndiri na ucuke.

Mubango ucio urongoreirio ciana makiria ma 800,000, na ikuheo na matiina meri o thutha wa mieri itandatu.

Mwena wa Nyandarua, mihang’o iyo iraruguririo thibitari-ini ya JM Memorial mwena wa Ol Kalou, nakuo mwena wa Nakuru uheani wa njanjo iyo ugukorwo Bondeni Maternity.

Leave a Reply

Your email address will not be published. Required fields are marked *