Uhiki gutirio na kwaga murio, Nakuru

Nikurari na gicanjama kanitha-ini wa Mizpah mwena wa Bahati kaunti-ini ya  Nakuru thutha wa muhunjia wa kanitha ucio kurega kunyitithania muthuri na mutumia aria marabangite kuhikaniiria kanithani-ini ucio.

Joyce Waithera na mwendwa wake Paul Waithaka marahaririirie indo ciothe kuuma kuri iti, keki ,irio na rwimbo mena mwihoko ati muthenya ugituka mangirari muthuri na mutumia,maitho-ini ma andu na ma Ngai no mwihoko wao ndunakinyanira kuona muhunjia wa kanitha uria marari matabaniirie igongona riu niararegire kumanyitithania akiuga ati eri  matirakinyaniirie ikiro ciothe  iria ibatarikanaga ni kanitha ucio niguo andu mahikanie.

Bamiri na arata aria marekinyitie nimararakaririo muno ni ikinya ria muhunjia uyu riakurega gutabania igongona ria uhiki ucio makiuga kurugamio kwa uhiki ucio nikurarehire hathara nene kuri bamiri cieri kuona uhiki ucio urahaririirio na mwigana wa ciringi million imwe na oho kurugamio kuu kurarehire giconoko kinene kuri bamiri icio.

Riria kurambiriirie gutuka  irio iria irahaririirio niiraheirwo ehitukiri niguo itikorire na indo irambiriria gukunjwo kuona gutirari na mwihoko wa uhiki ucio gutabanio.

Leave a Reply

Your email address will not be published. Required fields are marked *