University ya Nairobi kuhinga mutaratara wa githomo kia Parallel

University ya Nairobi ni  ihingite orio ceceni iria itangikagira arutwo aria merugamagirira marihi-ini ma biithi, kionereria ati yaaya gukorwo ininite mubango wa arutwo aria merihagira githomo ma gwetha thumbi ya  degree.

Ikinya riri ricungiririo ni waagi wa arutwo aria maraihurite mutaratara-ini ucio, thutha wa marima maria kigeranio gia KCSE kiraiyagirwo guthingwo, na riu aria maraingira university maritagerera mubango-ini ucio.

Gubunjwo gwa ceceni iria iramataga maundu ma arutwo aria merihagira githomo university-ini ya Nairobi, kuracora mbica theru ya mathina maria university nyin gi ikoretwo ikigerera kuuma riria ministry ya githomo yarungire kigeranio gia KCSE na guthinga marima maria kiaiyagirwo.

Kuringana na mawatho na mitaratara ya githomo kia university, arutwo aria mena grade ya c+ guthii na iguru nio magiriire gutonya university, aidha makiirihira kana makirihirwo ni thirikari na njira ya kuheo ngombo ni ruhonge rwa HELB

University cia thirikari ikoragwo na uhoti wa kuoya arutwo ngiri 72, ma riria kigeranio kiratuire kiiyagwo, arutwo makirite namba ino nio maranyitaga grade ya c+ guthii na iguru, undu uria uratumaga university cia thirikari cioye arutwo aria mahitukite muno, kaingi aria magite B+ guthii na iguru, a B- na C+ makerihira magithomera university-ini cia thirikari na cia andu kiumbe.

No thirikari ithingite marima ma uici wa kigeranio gia KCSE, kwa ihinda ria miaka ina riu kirumaniririo, arutwo ngiri 72 nio makoretwo makihituka na makaiganira university-ini cia thirikari, kuuga ati acio angi nomaingirire university kwambiriria diploma, no tondu wa thogora wa university aingi macaguraga guthii college. Gutari na arutwo a kuirihira githomo kia degree, university ya Nairobi ndiri na wa guika tiga kuhinga ruhonge rumwe rwa iria irarehaga mbeca nyingi makiria, thina uyu ukirikana niguo ukondoreire maitho university iria ingi, na waaya kuguithia cia andu kiumbe.

Andu aria mararutaga wira ceceni-ini ya arutwo a kwirihira meritwo matikagie na waagagu, tondu matigute mawira mao, indi meguthamirio honge-ini ingi kunyitirira mihang’o itiganite ya university ino

Leave a Reply

Your email address will not be published. Required fields are marked *