Urathi wa riera kuuga mbura nene niitanyitwo gatagati ga bururi

Mbura nene iria ikurumirirwo ni huho ni itanyitwo guthandana kuuma muthenya wa kana nginya muthenya wa kiumia o kiumia giiki , gukirikana  ikaringa na uritu munene wa mirimita 40 , na yaya gutamba nginya  icigo iria itamukagira mbura  nene.

Ruhonge rwa urathi wa riera ni rurutiiire  mukana aria maikaraga kundu kuria kugomagirwo ni matwika na muiyuro wa maai, gugituika uritu wa mbura ya ihinda riri ni ukuhutia nginyagia kuria gutakinyagirwo ni mbura nyingi…

Riboti-ini ya ica ikuhi kuuma kuri ruhonge rwa urathi wa riera , yugiite mbura ino iria irambiririe muthenya wa gatatu gaaka ikaringa na githimi gia 20mm, indi kuuma wakana githimi giiki kiaya kwambatira ginyagia 40 mm.

Ona gutuika bururi ni ukoretwo  na nyota munene  wa mbura ya kuigana gukuria irio, uritu wa mbura waya kwaga guuka na kirathimo ,kuri aria maikaraga haruruka-ini na kuria kugomagirwo ni matwika na muiyoro wa maai, ataramu aya  makiuga yaya kuihugia tiiri na mituki na gutuikania tiiri ucio na uritu munene uria waya kurehe hathara kuri aria matehariirie.

Mbura ino irigirirwo kuhutia icigo cia rugongo , kianda, gicua-ini Nairobi  na gatagati ga bururi…

Muingi uria wuikaraga kuria  kuhutagio  ni muiyoro , huho  na matuika ta murang’a ,ni mooritio guikara mari cemba, ona gutuika gikoretwo kiri gibarua kinene gia gutaura  ndai ya kuria maagiriirwo kurora , ona thuutha wa hathara iria irigiite gutunga icigo ici mwaka muthiru, ona kana kuiyuria ciuria  cia  kana mehariria ma thirikari kurigiriria hathara cia maai ni makinyaniru

Muingi ni uritio guithemania na kuiyua mbura   rungu rwa miti,  kuranga maai mari maguru matheri, ona akana guikara hakuhi na dirica gukiura niguo kurigiriria hathara ya  ithingithanio cia heni…

Ona tutahutitie muno ciigii hathara ya mbura, itura-ini ria muna mwena wa wajir no kieha thutha mundu umwe gukua thuutha wa kuhobanirio ni kiguo, mutino uria urerikana ucungiriirwo ni kuhingana kwa ndaraca imwe mwena ucio, iria iracinguriria maai ma kiguo gucoka micii ya andu

Riu mihang’o ya mathomo na wonjoria niirugamiite , kurumirira mbura iria yambitie guthandana mwena ucio.

Mbura-ini ya mwaka muthiru aikari aingi ni matariire hathara nene, ya kumomokerwo ni nyumba, ikuo, na ona arimi amwe a macani nimakoraga macani mao mathamitio kuuma migunda yao ni matwika mwena wa murang’a…..

Leave a Reply

Your email address will not be published. Required fields are marked *