Utana wa Chairman wa RMS kuhura bamiri imwe maithori na guthika mwana wao

Bamiri imwe mwena wa Kirinyaga iri na undu wa kwirahira, thutha wa chairman wa kambuni ya Royal Media Services Dr. SK Macharia kumarihira bill ya thibitari ya muigana wa ciringi ngiri igana ria mirongo itano, bill iria iratumite maikare kwa ihinda ria ciumia ithatu matathikite mwana wao.

Bamiri ino kuuma ituura ria Maitha ruui kaunt-ini ya Kirinyaga ikoretwo na kigiriko makigeria gwicurania uria makuona ciringi ngiri igana ria mirongo itano niguo kuriha bill ya thibitari iria iratigirwo ni mwana wao Peter Muturi uria wahurukire ciumia ithatu hituku

No riu murigo uyu ni weheretio ciande ini ciao thutha wa chairman wa kambuni ya Royal Media Services Dr. SK Macharia na munini wake Mrs Gathoni Macharia kuriha bill iyo yothe niguo mahote guthika mwana wao.

Nyina wa mwana uyu oigite harakinyite handu ona akaga mwihoko kuona uyu urari murigo muritu amu no mieri iri mihituku kuuma athika muthuriwe.

Muthuri wa ituura riria bamiri ino yumite niwe waikirie ihoya ria uteithio akirongoreria aikari a ituura riu aria mekinyitie mathiko-ini ma Jackson Njenga Njoroge, mwena waKirinyaga muthia-ini wa kiumia kihituku undu uria waguciriirie eri aya na makiigua kigiriko kiao na niho meraniire kuneana uteithio uyu.

Bamiri ino ndinaga kuoya kanya ga gucokeria aria mamakuite tha ngatho makiuga riu ni makuhota kuhe mwana wao gitiyo kia muthia hatari na kihingica oro giothe

Leave a Reply

Your email address will not be published. Required fields are marked *