Utana wa Uplands-Lari kuri ministry ya maundu ma nja wa bururi

Itemi-ini ria gukinyiria gicunji gia 10% kia mititu guku bururini, miti makiria ma mbirioni imwe gaturumo inyanya no nginya  ihandwo. Ministry ya maundu ma nja ya bururi ni igaiirwo gicunji kia mugunda wa mutitu wa Uplands, Lari kiria ikuhanda na kumimenyerera. Barothi 15 kuuma mabururi matiganite ni maranyitaniire kuhanda miti mutitu-ini uyu oriri mbura yanjiriirie kuura.

Thutha wa thirikari gwatha o ministry ihuthagire gicunji gia ikumi hari igana mibango-ini ya guthaitira maria maturigiciirie, ministry ya maundu ma nja wa bururi niitacukitie ikinya ria mbere mwerekera-ini ucio na njira ya kuhanda miti mwena wa Lari.

Ministry ino igaiirwo gicunji gia kuhanda miti, ikundi ingi onacio ni igaiirwo na iria irathii na mbere gutumberia miti iria ihanditwo mutituini uyu.

Makiria ma kuhanda miti, muingi naguo ukiurio kunyita itemi ria kugitira miti ino, guku makiheo rutha rwa kuhanda irio cia kuria na kurimira miti iria mahanda migundaini iria mararima ya mititu.

Mbere ya thirikari kuruta watho wa kurugamia utemi ya miti bururini, mititu miingi niirathukangitio, na uguo ikinya  ria gwatha honge ciayo ciothe kunyitanira hari kuhanda miti, ririgiriirwo gucokia riri wa mititu undu umwe na kuongerera kiruru kia miti mititu ini.

Leave a Reply

Your email address will not be published. Required fields are marked *