Uthuthuria wa gikuu kia uria wari ngabana wa Nyeri, Wahome Gakuru

Uthuthuria  wa king’ang’a iguru ria kiria giacungiririe gikuu kia ngabana wa gatatu wa kaunti ya Nyeri, Wahome Gakuru niwambirie. Uu ni thutha wa murugamiriri munene wa ruhonge rwa uthuthuria bururi-ini George Kinoti  kuuria igoti ria Nyeri riambike uthuthuria mweru wa gikuu kia ngabana Wahome.

Akiaria mbere ya mucirithania Chesang Maisi, muteithiriria wa ngabana Gakuru, Josphat Mwangi augite ati, ari thutha wa ngari iria yakuite ngabana Wahome no ndangihota gutariria uria ngari iyo yonire mutino ucio.

Kuringana na Mwangi, ni maari na ihinda iritu kuhonokia  ngabana Gakuru kuuma giti-ini kiria aikarite namoire makiria ma ndagika mirongo ina kumuruta ngari-ini iyo.

Thutha ucio, niaguthukirio thibitari-ini ya Thika kuria  igeria ria marigitari ria  kumuhonokia riaguthire ihiga.

Peter Mwaniki uria watwarithagia ngari iria yari thutha wa ngari ya ngabana Wahome onake niarutite uira wake.

Andu angi atatu nimatanyitwo kuruta uira wao muthenya wa mbere wa uthuthuria ucio.

Kuringana na watho uria waheanirwo ni munene wa thitango, Noordin Haji, uthuthuria uyu ugukuruhania mawoni ma muingi nigetha maumirira maguo makorwo magitiikirika ni andu othe.

Ngabana Gakuru akuire mwaka-ini wa ngiri igiri ikumi na mugwanja, mieri itatu thutha wa kuheo giturwa kia ungabana,kaunti-ini ya Nyeri.

Leave a Reply

Your email address will not be published. Required fields are marked *