Utonga uria uhitukagario thiini wa M-pesa

Thiini wa mwaka ucio urathirire, mutambo wa kuiga na kuruta mbeca na thimu wa mpesa wahitukiirio ciringi trillion imwe na billion imwe.

Mbeca icio no irugamirire kaunti ciothe cia gikuyu-ini gwa kahinda ka miaka mirongo iiri, kana ciake barabara mirongo itano nene ta Thika super highway ona kana cirihire bururi nuthu ya thiiri uria ikoragwo naguo.

 Reke tugucorere  mbica ya muigana wa mbeca ici na maundu maria ingihingia bururi-ini.

Riria riothe watuma kana kwamukira mbeca kuhitukira m-pesa, uri umwe wa andu aria matumite mbeca iria ihitukiire mitambo ya M-pesa ikinye hakuhi trillion igiri.

Kurinagana na ruhonge rwa ukinyanaria cak, ciringi trillion 1.7 nicio ciacenjanirie moko kuhitukira m-pesa mwaka muhituku wa kigina.

Reke turore maundu maria mbeca ici ingihingia bururi-ini.

Budget cia kaunti  cia Nyeri, Murang’a, Kiambu, Laikipia, Nyandarua, Kirinyaga, Embu, Meru, Nakuru ituraniirwo hamwe ni billion 83.6. Uguo ni kuuga trillion 1.7  iria  cihitukiire mutambo ini wa mpesa mwaka ini umwe tu, no ihuthike kuhe county ici   8 mbeca kwa ihinda ria miaka 20.

I korwo mbeca ici no ciake barabara ya thika super highway, ingiaka barabara cigana? Ciringi trillion 1.7 no ciake barabara  53 ta cia thika super highway.

Uguo ni kuuga o county no ikorwo  na  barabara ta iyo na county  ithathatu  ikorwo na barabara ta ici igiri.

Reri ya SGR kuuma Mombasa guka Nairobi yahuthirire billion 327 gwakwo. Uguo ni kuuga mbeca ici no ciake reri inya cia SGR..

Riu nituhananie thiiri uria turi naguo ta bururi na mbeca ici. Thiiri wa nanja uria turi naguo ni ciringi trillion 2.7. Uguo ni kuuga mbeca iria ciagereire mpesa mwaka wa 2018-19, no irihe makiria ya nuthi ya thiiri uria turi naguo ta bururi.

Utumi wa mbeca kuhitukira m-pesa  na mitambo ingi ya thimu uthiite wongererekete,  na miaka  iguka  twaya  gukorwo tukirihira motungata  hakuhi mothe  kugerera thimu, na  kweherania  muingi na kuhutia mbeca baribari.

Leave a Reply

Your email address will not be published. Required fields are marked *