Wakili wa Gakuyo gutharikirwo ni amemba arakaru a Ekeza

Gicanjama nikiratumukire igoti-ini ria Milimani guku Nairobi, thutha wa amemba a sacco ya ekeza gutharikira umwe wa wakiri wa murugamiriri wa sacco iyo David Kariuki Ngari. Amemba aya maugite wakiri uyu  niarahenia igoti, na ndeto iria araheana, ironeka guteithiriria Gakuyo. Wakiri uyu arateithurirwo ni arangiri a igoti ona gutuika niarataruriirwo nguo.

Marakara ma amemba a sacco ya ekeza ma kuurwo ni makiri ma mbeca ciao kugerera sacco ya ekeza, nimarurumukite na makerekerio kuri wakiri umwe. Wakiri Samuel Mburu  aratharikiirwo niamemba aya aria meraihuirwo ni matukuya. Arekinyitie igoti-ini na thuti nungaru, no akiinuka arainukire na thuti  ndarukangu.

Amemba aya marauga Mburu, niaraheana ndeto mugaru wa uria kuri mbere ya igoti na ithenya-ini riu, akaheana riboti irenderera mwena wa Gakuyo, iria marauga ni ya maheni. Mburu, aragunirwo ni maabithaa a ugitiri na kumuhatura maruru-ini ma amemba aya.

Amemba marauga gutiramenyeka wega nuu urarugamirira sacco ya ekeza igoti-ini gatagati wa wakiri Mburu na Okachi gukirikana eeri marauga moritio marugamirire sacco io.Mburu augite ndari na thina na itua ria igoti ria kurugamia urugamiriri mweru wa sacco ya ekeza kwambiriria gutungata, Okachi, akiuga itua riu riagiriirwo ni guteanirio. Ciira wa kana itua riri niriguteanirio riratanywo gukagwetwo kiumia giukite.

Komicona wa thothaiti niagiritio kwa ihinda gukorwo na kamiti njeru ya  sacco ya ekeza, amemba 11 a sacco ino makiuga komicona ndagiriirwo ni kuingirira mirutire ya wira ya sacco ino.

Ruhonge rwa uthuthuria wa ngero cia wikinai DCI, niruritie amemba a ekeza kuuma kaunti cia Nairobi na Kiambu, magekinyia wabici-ini cia DCI  tariki 18 mweri uyu, mari na maratathi o mothe maria mangionania nimaigithitie na sacco ino.

Leave a Reply

Your email address will not be published. Required fields are marked *