William Ruto kuuria atongoria a Jubilee mahimbirie urumwe

Atongoria a kiama  kia Jubilee  moritio guteyaniria uteti wa ngayukano na handu-ini ha uguo mahimbirie urumwe,ihoya riria riikitio ni munini wa mutongiria wa bururi, William Ruto uria uugite no aguthie nambere na guceera matuura matiganite ma  bururi-ini agithurima tabarira cia uthii wa nambere. Aritie uu kanitha-ini wa gatoreki wa cathedral tauni- ini ya Murang’a na kiharo ini kia Nanyuki county ini ya Laikipia.

Kanitha – ini wa gatoreki wa St. Mary town-ini ya Murang’a, nikuo munini wa president William Ruto ararokire guthoma, atanacooka kwambata kanitha-ini wa ACK Murarandia o Kiharu. Ruto akihinyiriria atongoria kiama-ini kia Jubilee guteyaniria uteti wa ngayukano augite egutigirira  itugi inya nene cia thirikari ni ciakinyanira ta uria meriire muingi.

Aranyititwo ugeni ni mubunge wa Kiharu  Ndindi Nyoro, kuria hamwe  na atongoria angi  mamenereirie riendekitha ria mutongoria wa aria anini bunge-ini, John Mbandi ria guthondekwo kwa mutaratara wa watho wigie mbeca iria irirutagwo makanitha-ini. Ruto acokire anyitanira na atongoria hamwe na muingi wa Laikipia kiharo-ini kia Nanyuki na guuku ndumiriri yuuma oo uimwe, gukumithia atongoria aria magiragia aria angi kuruta mbeca makanitha-ini.

Nake minister wa ngirigaca Mwangi Kiunjuri uria urekinyitie kuo, niarahinyiriirie bata wa atongoria kwaragia rwario rumwe, kuria atongoria angi maugire nimaranyita mbaru gucenjio gwa gatiba ya bururi. Naguo mwahu  wa atongoria angi a Jubilee, uratindire kanitha-ini  wa gatoreki mwena wa Gatanga  kuria onao marahinyiriirie bata wa atongoria  kunyitanira na kugia na urumwe.

Leave a Reply

Your email address will not be published. Required fields are marked *