Witikio wa kugiria ciana ithome, Kikuyu

Ciana ithatu kuuma itura ria Gikambura mwena wa Kikuyu niihonokitio ni macibu na maobitha a borithi  kuuma kuri witikio wa kanitha yao uria uramarigariria guthii cukuru. Kuringana na  arumiriri a kanitha ucio metikitie ati ngai aririe na anabii a kanitha wao na kumera ciana icio itigetikirio guthii cukuru kuona ciathii undu muru niugucihanikira.

Ukiingira mucii-ini uyu uratungana na andu magitabania mahoya  undu uria maratutariria mekaga omuthenya no thutha wa kahinda kanini borithi makaingira mucii-ini uyu na kurugamia mahoya maya nikiria kirerikana ni ati  makoretwo makirumirira witikio uragarara ihoto cia ciana na njira ya  kugiriria ciana ithatu cia nyina umwe guthii cukuru.

Kuringana na nyina wa ciana ici, uria matiganire na muthuri wake miaka mithiiangu  augite ati munabii wa kanitha ucio Joseph Muturi  augire ati  ngai niakananitie ciana ici guthii thukuru undu uria ucungiriire mehingire nyumba ino makihoya kuuma kianjiriria kia mwaka uyu.

Ithe wa ciana ici uria ukoretwo ukimarihira cukuru niwe urahurire riboti gwa cibu akienda uthuthuria wikwo wakumenya nikii ciana itari irathii cukuru.  Augite ati nyina wa ciana niwe urabundithia ciana ici witikio uyu.

Ciana ici iria wambere ni wa form one, wakeri ekirathi gia kanana na uria munini ekirathi gia keri citwaritwo  mucii wa kurumbuiya ciana guuku nyina wao ohamwe na anabii eri a kanitha ucio magiikio ngono.

Leave a Reply

Your email address will not be published. Required fields are marked *