Wongerereku wa Probox na Wish ukuui-ini wa muingi

Ene ngari cia ukuui wa muingi nimacakaite wongerereku wa ngari iria itari na marua ma gukuua muingi icigo-ini itiganite. Uhoro uyu wiyumiririe hindi ya mucemanio gatagati ka maabithaa a NTSA na anyiti itemi matiganite ruhonge-ini rwa ukuui, kuria maririirie maundu matiganite maria mararehe ihingica wira-ini wao.Imwe cia mithemba ya ngari iria marauga nicimathukiirie biacara ni hamwe na probox na wish

Itemi-ini riao ria gutigirira nikwagia na wagiriru ruhonge-ini rwa ukuui, ene matatu marauga kuri na ukora ukoretwo ugithii nambere uria uratuma mambwo mutharaba-ini niundu ma mahitia matari mao.

Umwe wa maundu maya ni wongerereku wa ngari itari-he marua na kuruta wira wa ukuui wa muingi kundu gutiganite…

Ni riboti maabithaa a NTSA marauga makinyiirwo niyo, na nimararutithania wira na borithi niguo kunina biacara iyo kaimana.

Hamwe na maundu maria meyumiririe hindi ya mucemanio uyu ni kwaga kuiguana kwa mawatho matiganite maria ene ngari magiriirwo ni kuhingia. Kwa muhiano ene ngari moima na mawoni matiganite megii mucoro uria ucoragwo nissani-ini.

Arugamiriri wira a matatu marauga nigukoretwo na ungumania muingi uria utumite wira wao urituhe, na ndawa ya ungumania uyu, ni gutigirira ndereba na makanga matirakuua mbeca baribari.

Gwatigaria thiku ninini tu mbere ya  muthenya uria thirikari ihete ene matatu makorwo mahingitie watho wa Michuki niguo metikirio guthii nambere na wira wa gukuua muingi.

Leave a Reply

Your email address will not be published. Required fields are marked *